‘Yan bindiga sun yi awon gaba da wata amarya a kan hanyar kai ta gidan angonta a jihar Neja.

Jaridar Daily Trust ta ce ‘yan bindigar sun bayyana ne a lokacin da ‘yan uwa da abokan amaryar ke hanyarsu daga kauyen Allawa na karamar hukumar Shiroro zuwa gidan angon nata a garin Fandogari na karamar hukumar Rafi ta jihar Neja.

Rahotanni sunce maharan da ke da matukar yawa sun yi wa ayarin amaryar kwanton bauna ne a ranar Juma’a a kan hanyarsu, inda suka dauke amaryar. Da sauraan wadanda ke cikin motar.

Wasu majiyoyi sun ce ‘yan bindigar, wadanda suka yi awon gaba da dimbim shanu, sun kuma kai hari a kauyen Gyaramiya a karamar hukumar shiroron har ila yau, inda suka sace dimbim mazauna kauyen.

Kokarin samun kakakin ‘yan sandan jihar don karin bayani ya ci tura.

Ba wannan ne karo na farkko da ‘yan bindiga ke karkata akalar amarya a kan hanyarta ta zuwa gidan angonta ba.

Source: RFI Hausa

Please leave this field empty

Oh hi there 👋
Don't miss anything.

Sign up to receive awesome content in your inbox.

Your Email Address *

We don’t spam! Read our Privacy Policy for more info.

Check your inbox or spam folder to confirm your subscription.